The EDGE OF RUIN - MARC WILSON

ARDDANGOSFA YR ŴYL

LLEOLIAD: TBC

AR AGOR: 1 HYDREF - 31 HYDREF

Rydym ni’n falch o groesawu Marc Wilson yn ôl i The Northern Eye lle bydd detholiad o’i waith newydd ‘The Edge of Ruin’ yn cael ei arddangos am y tro cyntaf.

Ar ôl ymgyrch Kickstarter lwyddiannus, disgwylir i’w lyfr newydd gael ei gyhoeddi ym mis Hydref 2025.

Er bod olion mwy amlwg ein hetifeddiaeth ddiwydiannol, yr adeiladau sy’n rhan o’n gorffennol diwydiannol, yn adfeilio yn y dirwedd y cawsant eu codi (oni bai eu bod nhw’n cael eu cadw'n fwriadol ar gyfer treftadaeth), neu ein bod ni yn eu difetha, yn y tirweddau ffisegol eu hunain yr erys yr argraff barhaus o’r gorffennol hwn.

Wrth i mi gerdded o gwmpas y safleoedd cyntaf hyn a’r camera yn dal i fod yn fy mag, yr hyn a ddaeth yn amlwg i mi yn syth oedd bod angen i mi edrych y tu hwnt i'r adeiladau sydd ar ôl, yr adeiladau hyn a adeiladwyd gan ddynion, ac yn lle hynny canolbwyntio ar y dirwedd ffisegol yr oedd diwydiant wedi gadael ei ôl parhaus arni, ac osgoi clichés o ran hiraethu a rhamantu.

Mae agen wedi'i cherfio o'r bryniau yn y Pennines a chyfres o gribau ar lethr sy'n wynebu'r gorllewin o Foel yn Dartmoor yn enghreifftiau o gysgodion ein gorffennol diwydiannol, yn nodau i genedlaethau'r dyfodol gyfeirio atynt.

Marc Wilson

Cafodd Marc ei eni yn Llundain, fe aeth o astudio Cymdeithaseg i astudio Ffotograffiaeth ac mae wedi bod yn tynnu lluniau ers hynny. Mae ei luniau’n dogfennu’r atgofion, yr hanesion a’r straeon sydd yn y dirwedd o’n hamgylch.

Mae Marc, sydd wedi’i leoli yn y DU, yn gweithio ar brosiectau dogfennol hirdymor, yn cynnwys ‘A Wounded Landscape - bearing witness to the Holocaust’ (2015-2021) a ‘The Last Stand’ (2010-2014). Ei nod yw adrodd hanesion drwy ffotograffiaeth, gan ganolbwyntio, ar adegau, ar y dirwedd ei hun, a’r gwrthrychau y mae’n eu canfod arni ac ynddi. Mae weithiau’n cyfuno tirwedd, elfennau dogfennol, portreadau, a bywyd llonydd, ynghyd â recordiadau sain o gyfweliadau a synau, i bortreadu’r we eang o hanesion a straeon y mae’n gobeithio eu hadrodd.

Mae ei arddangosfeydd unigol yn cynnwys Oriel Side yn Newcastle, yr Amgueddfa Arfdai Frenhinol, Oriel Colwyn, ac Oriel Focal Point yn y DU a Spazio Klien yn yr Eidal. Mae ei sioeau grŵp yn cynnwys y rhai hynny yn Oriel The Photographers’, ac oriel Cymdeithas y Ffotograffwyr, Llundain ac yn rhyngwladol, Gŵyl Ffotograffau Athens ac Amgueddfa Gelf Tel Aviv.

Mae gwaith Marc wedi cael ei gyhoeddi mewn cyfnodolion a chylchgronau yn amrywio o National Geographic, FT Weekend, The British Journal of Photography i Gylchgronau Raw, Wired a Dezeen.

www.marcwilson.co.uk

Mae pob arddangosfa yn RHAD AC AM DDIM i ymweld â nhw.

THE EDGE OF RUIN

Dyddiad cyhoeddi’r llyfr - mis Hydref 2025

Manylion y gwaith:

124 o dudalennau - Argraffu lithograffig - 57 o luniau - Testun ymchwil - Cynllun:  Wayne Ford

Wedi hunan-gyhoeddi