extra{ordinary} - The Caravan Gallery

ARDDANGOSFA YR ŴYL

LLEOLIAD: Oriel Colwyn

AR agor: Dydd Gwener 3 Hydref am 4pm

Mae’r arddangosfa hon yn ffurfio rhan o’n hamserlen o ddigwyddiadau agoriadol gŵyl y Northern Eye ddydd Gwener 3 Hydref.

extra{ordinary} – 10 Years On

The Caravan Gallery yn Oriel Colwyn - Rhan o Ŵyl Ffotograffiaeth y Northern Eye.

Allwch chi gredu bod deng mlynedd wedi mynd heibio ers i’r Caravan Gallery gyflwyno extra{ordinary} – Photographs of Britain?

Bryd hynny, fe wnaeth Jan Williams a Chris Teasdale gywasgu dros gant o’u ffotograffau ffraeth, annwyl a gwych i orielau (ac wrth gwrs eu carafán eiconig lliw mwstard) i ddangos Prydain i ni mewn ffordd nad oeddem wedi edrych arno o’r blaen.

Degawd yn ddiweddarach ac mae extra{ordinary} yn ôl — wedi’i ddiweddaru, ei hongian eto ac yr un mor ddoniol, clyfar ac sy’n procio’r meddwl ag erioed. 

Rydym yn falch o groesawu’r arddangosfa i Oriel Colwyn fel rhan o Ŵyl Ffotograffiaeth y Northern Eye eleni.

Mae extra{ordinary} yn llythyr caru at Brydain yn ei holl ogoniant ecsentrig bob dydd. Meddyliwch am flaen siopau rhyfeddol, hysbysiadau cyhoeddus rhyfedd, arddangosfeydd cymunedol balch a’r manylion bach hynny sy’n gwneud i chi wenu, crafu eich pen, neu’r ddau ar yr un pryd.

Mae rhai o’r lluniau yn hen ffefrynnau efallai y byddwch yn eu cofio; ac mae eraill yn teimlo’n hyd yn oed yn fwy perthnasol heddiw (mae’n rhyfedd sut nad ydi rhai pethau byth yn newid).   Gyda’i gilydd, maen nhw’n ein hatgoffa ni y gallwch ddod o hyd i harddwch, hiwmor a sylwebaeth gymdeithasol yn y llefydd mwyaf annisgwyl.

Mae dathlu’r deng mlynedd yn esgus perffaith i edrych yn ôl, chwerthin a gofyn: beth sydd wedi a heb newid ers hynny?  Mae Prydain yn 2025 yn lle gwahanol, ond mae gwaith y Caravan Gallery yn dangos bod ein nodweddion, gwrthddywediadau a’n creadigrwydd yn parhau. 

Bellach mae Jan a Chris yn gweithio ar iteriad nesaf extra{ordinary}….still extra{ordinary}?….

Dewch i ddathlu deng mlynedd o extra{ordinary} gyda ni yn Oriel Colwyn. P’un a ydych yn mwynhau ffotograffiaeth, yn edmygu ecsentrigrwydd Prydain, neu’n chwilfrydig i weld bywyd trwy lens sydd ychydig i’r ochr, mae hon yn arddangosfa sy’n addo digon o chwerthin, rhywfaint o hiraeth, a mwy na dim ond ychydig o adegau “mae hynny MOR wir”.

*** Mae’r arddangosfa yn ffurfio rhan o’n hamserlen o ddigwyddiadau agoriadol gŵyl y Northern Eye ddydd Gwener 3 Hydref – Dewch i gwrdd â Jan a Chris mewn agoriad arbennig yn Oriel Colwyn rhwng 4pm a 6pm. Mae’r digwyddiad hwn yn RHAD AC AM DDIM – nid oes angen tocyn.

Mae Gŵyl Ffotograffiaeth y Northern Eye yn falch o ddod â’r ffotograffiaeth ddogfennol, stryd ac sy’n adrodd stori gorau i Ogledd Cymru ym mis Hydref.  Ochr yn ochr â rhaglen am ddim o arddangosfeydd ar draws y dref, rydym hefyd yn cynnal penwythnos o siaradwyr craidd ddydd Sadwrn 4 a dydd Sul 5 Hydref a fydd eleni yn cynnwys cyflwyniadau gan:  Martin Parr, Margaret Mitchell, Derek Ridgers, Kyle McDougall, Holly Marie Cato, Peter Caton a Bobby Beasley.

Mae tocynnau penwythnos a dydd ar gael rŵan.